Prej kohësh, ish-Kreu i Partisë Demokratike Lulzim Basha nuk ka qenë pjesë aktive e politikës dhe për disa muaj ka qëndruar larg ngjarjeve politike.
Pas debateve që kishte dje në Berat, ish-kryedemokrati Lulzim Basha ka shkuar në Kosovë. Siç duket edhe nga fotot që vetë Basha i ka shpërndarë në rrjetet e tij sociale, ish-numri një i Partisë Demokratike, së bashku me gruan e tij, Aurelën, i është bashkuar gëzimit familjar të familjes Behluli.
“Me shumë kënaqësi unë dhe Aurela i’u bashkuam sonte gëzimit të familjes së Shkurte Fejzës dhe Hajrush Behlulit. Nga zemra ju urojmë Arbërit dhe Erzës jetë të lumtur, me trashëgime dhe shumë dashuri e mbarësi,”-shkruan Basha.
Po ashtu, ai ka qenë i ulur në të njëjtën tavolinë me Ramush Haradinajn, kreun e AAK-së në Kosovë.
Por nuk dihet se cila është lidhja mes Bashës dhe familjes së këngëtares së njohur nga Kosova.
