Në një konferencë për mediet ditën e sotme, ish-Presidenti Ilir Meta, njëherësh kryetar i Partisë së Lirisë, tha se është pro bashkimit të Partisë Demokratike.
Ai u shpreh se ka ndërhyrë në problemet e PD-së në interes të vendit.
“Aleanca e Ilir Metës është me qytetarët e Shqipërisë, sa i takon problemeve të PD jam përpjekur t’i zgjidh në interes të vendit. Kam qenë unë që i nxori nga çadra, dhe kam qenë pro bashkimit të PD. Nuk dua të hyj më tej në çështjet e brendshme të PD, ne kemi raportin tonë me qytetarët e Shqipërisë, nuk kemi një raport të pandryshueshëm me asnjë tjetër, e kemi në interesin kombëtar, në luftën kundër oligarkëve, se ku qëndrojnë të tjerët, do e tregojnë, sot, në të kaluarën apo të ardhmen. Ne do t’i ftojmë të gjithë, qoftë edhe ai socialisti i ndershëm, prandaj unë e theksoj se ne kemi një luftë, me sektin e rilindjes”, tha Meta.
