Vedat Muriqi nuk do ta kujtojmë për mirë përballjen e Mallorcas në udhëtim te Elche në kuadër të javë së tetë në La Liga.
Fillimisht, sulmuesi i Kosovës e humbi një penallti në minutën e 12-të, derisa vendasit kaluan në epërsi në atë të 15-të.
Gumbau asistoi te Ponce, që shënoi për 1-0, dhe me këtë rezultat edhe përfundoi pjesa e parë.
Por, në 45 minutat e dytë, Elche mbeti me dhjetë lojtar në fushë, shkaku që Boye u përjashtua në minutën e 61-të me karton të kuq.
Mallorca fitoi një penallti në minutën e 71-të dhe kësaj radhe, Muriqi u tregua i saktë, duke i barazuar shifrat në 1-1.
Mirëpo, në minutën e 85’ u përjashtua më pas me karton të kuq, për shkak se goditi një lojtar kundërshtar.
Muriqi do të mundohet të harrojë këtë moment që i ndodhi, pasi pavarësisht golit, kartoni i kuq do të mbetet në mendjen e tij padyshim.
