Progres-raporti i KE: Kërkohet bashkëpunim me opozitën

113 563 lexime

124,178FansaPëlqeje

Nisja e negociatave të anëtarësimit me Shqipërinë dhe Maqedoninë e Veriut shënon një moment historik të marrëdhënieve të dy vendeve me Bashkimin Europian.

Kështu thuhet në progres-raportin e KE-së për vendet e Ballkanit Perëndimor, që pritet të publikohet më 12 tetor. Sipas Radios Evropa e Lirë, që ka siguruar teksin e raportit, për Shqipërinë vlerësohet progresi në forcimin e strukturave për integrim në BE, por kërkohet që në këtë drejtim të ketë më shumë bashkëpunim me opozitën dhe shoqërinë civile: “Konflikti i madh i brendshëm me partinë më të madhe opozitare, Partinë Demokratike (PD,) ka ndikuar në jetën parlamentare në Shqipëri”. Komisioni pranon se Shqipëria ka vijuar luftën kundër korrupsionit në nivel të lartë dhe si shembull përmenden dënimet e disa ish-zyrtarëve. Vendit tonë i kërkohet të bëjë më shumë në parandalimin e pastrimit të parave dhe për frenimin e emigracionit të paligjshëm. Sa i përket Kosovës, theksohet se vendi i ka përmbushur të gjitha kushtet për liberalizimin e vizave, duke kërkuar që Këshilli Europian ta trajtojë me urgjencë çështjen.

Progres-raporti i bën thirrje Kosovës dhe Serbisë që të angazhohen shpejt për një marrëveshje gjithëpërfshirëse: “Kosova duhet të angazhohet në mënyrë më konstruktive dhe të bëjë përpjekje të tjera substanciale për implementimin e të gjitha marrëveshjeve të arritura në të kaluarën, si dhe të kontribuojë në arritjen e marrëveshjes gjithëpërfshirëse, ligjërisht obliguese, për normalizimin e raporteve me Serbinë. Një marrëveshje e tillë është urgjente dhe kyçe për t’u mundësuar Kosovës dhe Serbisë avancimin në rrugëtimin e tyre përkatës evropian”. Por, Komisioni Europian ka edhe një sërë kritikash për Kosovën, duke e vënë theksin tek menaxhimi i dobët i agjendës legjislative, korrupsioni dhe krimi i organizuar, ku kërkohet më shumë përpjekje.Dokumenti përmend edhe funksionimin e gjyqësorit, i cili vlerësohet si “i ngadalshëm, joefikas dhe i ndjeshëm ndaj ndikimeve të panevojshme”. Kritikat më të mëdha i adresohen Serbisë, e cila, sipas draft-raportit, “ka shënuar kthim prapa” në përafrimin e qëndrimeve të saj me politikën e jashtme të BE-së, sidomos në rastin e sanksioneve ndaj Rusisë, të cilat Serbia vazhdon t’i refuzojë.

Lexo edhe :  Nesër Fitër Bajrami, besimtarët myslimanë do e falin namazin në Sheshin Skënderbej

 

Të fundit

New York Times: Amazon dëshiron të blejë TikTok

Amazon ka bërë një ofertë për të blerë TikTok, aplikacionin popullor, ndarja amerikane e të cilit duhet të shitet...

Demenca, shenjat e para nisin 9 vjet para diagnozës

Një nga çështjet kryesore në kërkimin e ndërlikuar të kurave për demencën është vështirësia për të bërë diagnoza të hershme: në shumicën e rasteve,...

Big Mama rrëfen momentin e vështirë të humbjes së babait në “Ferma VIP 2”

Gjatë një bisede emocionale me Yllin në Ferma VIP 2, Big Mama ndau një histori prekëse nga jeta e saj, duke folur për lidhjen...

Kënga e fundit dedikim për Eglin? Olsi Bylyku hap ‘thesin’ , rrëfen të vërtetën

Ekziston një lloj misteri që artistët e dinë ta mbajnë të pacenuar. Një lojë e hollë mes së vërtetës dhe interpretimeve, mes ndjenjave të përjetuara...

Cili është himni kombëtar i Vatikanit?

Himni kombëtar i Vatikanit është Marshi Papnor , i francezit Charles-François Gounod, i cili  daton në vitin 1950, viti i Jubileut të njëzet e katërt . Marshi...

Lajme të tjera

Web TV