Sekretari i Përgjithshëm i Partisë së Lirisë, Tedi Blushi, ka reaguar pas publikimit nga kryeministri Edi Rama të fotos së Sali Berishës, Metës dhe Bashës, të cilët i krahasoi ata me “rublat ruse”.
Blushi ka postuar një video nga fjala e Ramës në Asamblenë e Përgjithme të Këshillit të Europës, ku theksonte se presidentin serb Aleksandër Vuçiç e ka mik dhe se nuk duhet t’i ushtrohet presion Serbisë në lidhje me sanksionet ndaj Rusisë.
Blushi i drejtohet Ramës duke i thënë se ai është bllokuesi kryesor i integrimit europian të vendit dhe është i zhytyr në axhendën antindërkombëtare, prandaj dhe sipas tij e shohim dhe në rolin e zëdhënësit të qarqeve antishqiptare.
“Tregtari gjakprishur dhe faqezi i kufijve të Kosovës, bllokuesi kryesor i integrimit europian të vendit, është i zhytur shumë thellë në axhendën e fëlliqur antikombëtare. Ndaj e shohim dhe në rolin e zëdhënësit të qarqeve më antishqiptare.
Tezat e tij famëkeqe kundër Kosovës (kombi kosovar, mosnjohja e genocidit dhe quajtja konflikt humanitar apo operacion ushtarak) që prezantoi para Asamblesë së Përgjithëshme të Këshillit të Europës, të gatuara në Beograd me mbështetjen e Rusisë, nuk përbëjnë asnjë surprizë për çdo shqiptar patriot dhe të ndershëm!
Bojkotimi që iu bë në Strasburg nuk mbulohet dot me insinuata që nuk trembin më as Lulin.
Koha e Llogaridhënies po afron!”, shkruan Blushi krah videos.
