Aktori i njohur Robbie Coltrane i cili luajti rolin e Hagrid në filmat e Harry Potter është ndarë nga jeta në moshën 72-vjeçare.
Lajmi është bërë me dije nga agjenti i tij, sipas BBC. “Robbie ndoshta do të mbahet mend më së miri në dekadat e ardhshme si Hagrid, një rol që u solli gëzim fëmijëve dhe të rriturve”, tha ai.
Ai e përshkroi Coltrane, emri i i vërtetë i të cilit ishte Robert McMillan, si një “aktor të mrekullueshëm” dhe “inteligjent”.
Agjenti i tij nuk dha detaje për vdekjen e tij, por tha se familja e Coltrane falënderon ekipin në Spitalin Mbretëror Forth Valley në Larbert për kujdesin e tyre.
