Ka nisur përballja mes Interit dhe Salernitana-s për javën e 10 në Serie A ku zikaltërtit po kryesojnë me rezultatin 1-0. Stadiumi “Giusseppe Meazza” është i tejmbushur nga fansat, me disa tifozë të Inter që nuk kanë harruar të marrin me vete flamurin kuqezi të Shqipërisë. Djemtë e rinj nga Shqipëria janë prezent në stadium, duke mos harruar të shpalosin origjinën e tyre.
Sapo lojtarët kanë dalë në fushën e lojës, regjia ka fokusuar dy djemtë që janë me origjinë shqiptare. Me fanellën e Inter veshur, sapo kanë parë se janë shfaqur në ekran, tifozët kanë shpalosur flamurin e Shqipërisë.
