Nga Monada Mehmetaj
Komisioni Evropian është mbledhur sot për të paraqitur një paketë të re propozimesh lidhur me rritjen e çmimeve të energjisë.
Kjo është paketa e dytë emergjente e propozuar nga Komisioni, pas asaj të miratuar nga Këshilli i Bashkimit Evropian më 30 shtator.
Ndryshe nga paketa e parë, e cila ishte e fokusuar më shumë tek energjia elektrike, kjo paketë e re do të mbulojë gazin.
Pas konferencës, Theresa Reintke, presidentja e re e të Gjelbërve/EFA në Parlamentin Evropian ka folur ekskluzivisht për gazetaren e Fjala.al, e cila po ndjek nga afër zhvillimet.
Reintke tha se vendet duhet të jenë të bashkuara për zgjidhjen e situatës së krizës energjetike, duke kërkuar që shtetet të financohen, të shtohen burime të ripërtëritshme si dhe masa të tjera.
“Ky vendim është shumë i rëndësishëm në këtë moment krize. Ne besojmë që është i një rëndësie të madhe, që vendet të jenë të bashkuara, dhe jo të ndara, në përgjigjen e tyre dhe zgjidhjen për situatën në tregun e energjisë”
“Ne kemi propozuar konkretisht diçka të ngjashme me Fondin e Rimëkëmbjes së BE-së që shtetet të financohen, dhe t’i përdorin në këtë kohë krize, për ngrohjen nëpër shtëpi, shtimin e burimeve të ripërtëritshme dhe masa të tjera”, tha ajo.
Ndërkohë që Reintke u ndal edhe tek raport i Organizatës Evropiane të Kufijve FRONTEX që u referohet të dhënave të migrimit për nëntë muajt e vitit 2022.
Sipas përllogaritjeve paraprake në nëntë muajt e parë të këtij viti, janë evidentuar rreth 228 mijë hyrje të parregullta në kufijtë e jashtëm të Bashkimit Evropian me një rritje prej 70% krahasuar me të njëjtën periudhë të vitit të kaluar.
Reintke theksoi për Fjala.al, se është e rëndësishme që të drejtat e njeriut të respektohen edhe jasht kufijve të Europës, duke kritikuar FRONTEX se nuk ka marrë mjaftushëm masa.
“Ajo që është e rëndësishme për ne është që të drejtat e njeriut nuk duhet të respektohen vetëm në Europë por dhe jashtë kufinjve të Europës. Dhe ajo çfarë po ndodh jashtë Europës FONTEX nuk ka marrë mjaftueshëm masa.”
