Kryeministri shqiptar, Edi Rama si dhe ish-presidentët e vendit i kanë takuaar ish-liderët e UÇK-së në Hagë. Po ashtu edhe figura të tjera nga Kosova kanë qenë atje, për të treguar mbështetjen e tyre në këtë luftë me drejtësinë.
Por pse nuk ka shkuar Ramush Haradinanj.
Kryetari i AAK, ka dhënë ditën e sotme një intervistë ekskluzive për emisionin “Breaking” me moderatore Elisa Gjeranin, në Top News, ku tha:
“Ne nuk mund ta gjykojmë drejtësinë, por ne mund ta besojmë pafajësinë tonë. Mund ta vlerësojmë rrugën tonë. Rruga e luftëtarëve të lirisë, atyre që janë përballur me një ushtri më të madhe është rrugë e pastër. Ju e shini tani në Ukrainë, që luftëtarët janë vendosur në mbrojtje kundër një ushtrie të çmendur të Putin. Ne jemi përballur me shumë vështirësi në atë kohë. Kur më pyesin pse nuk shkon t’i vizitosh, më vjen në mendje koha atje që nuk është e lehtë. Je i izoluar, t’i ke luftuar për vendin tënd, je përballur me vdekjen, dhe në fund je në të njëjtin burg me Millosheviçin, me kriminelë. ”-deklaroi ai.
Haradinaj ka komentuar edhe fjalimin e kryeministrit Edi Rama në lidhje me raportin e Dick Marty-t, për të cilin tha ashtu si kryeministri shqiptar, shuam njerëz të tjerë duhet të ngrenë zërin.
“Në aspektin politik dhe në opinionin publik duhet të angazhohen të gjithë për të rrëzuar akuzat për trafik organesh, që nuk janë vërtetuar nga prokurorët, organet e shqyrtimit të hetuesisë nuk e kanë vërtetuar.
