Mbrëmja e djeshme ishte një nga më të rëndësishmet e vitit, sa i përket botës së futbollit. Karim Benzema i Real Madridit fitoi “Topin e Artë” të France Football, duke u bërë francezi i pestë që vendos emrin e tij në listë, i pari pas Zinédine Zidane më 1998. Te femrat, spanjolja Alexia Putellas e Barcelonës triumfoi për të dytin vit radhazi në një mbrëmje, ku gjithashtu portieri i Real Madridit, Thibaut Courtois fitoi trofeun ‘Yachine’.
Ndjekim disa nga titujt kryesorë për ditën e sotme, që kanë pasqyruar pa dyshim masivisht eventin:
“Të drejtësisë dhe të arit”, kështu shkruan Marca në faqen e parë, për dy triumfuesit.
Mundo Depurtivo ka shkruar “Ar puro!”, referuar po ashtu eventit.
“Topi i Artë vjen në shtëpi”, ka shkruar francezja L’Equipe, krenare për Benzema i cili, pas 24 vitesh ka kthyer kupën në atdhe.
Anglezja Sun Sport e hap faqen e parë me titullin “Në flakë”.
“Leao hedh firmën”, shkruan La Gazetta Dello Sport, referuar ofertës së fundit nga Milan për futbollistin.
