Një aksident ka ndodhur mëngjesin e sotëm në autostradën Fier-Lushnjë, ku janë përplasur dy mjete. Katër persona kanë mbetur të plagosur si pasojë e përplasjes së fortë, shkruan.
Siç shihet dhe nga pamjet, një prej mjeteve një Mercedes Benz ML është përplasur me një Opel dhe për pasojë është kthyer përmbys në mes të autostradës. Ngjarja ka ndodhur në vendin e njohur si kryqëzimi i Savrës, një pikë e njohur si burim aksidentesh.
Mjetet që vijnë nga zonat rurale dalin menjëherë në autostradë, duke u bërë burim aksidenti për drejtuesit e tjerë.
Efektivët e Policisë Rrugore kanë mbërritur në vendngjarje dhe po punojnë për zbardhjen e shkaqeve të saj. Ndërkohë, dëshmitarët janë shprehur se të plagosurit janë në gjendje të mirë shëndetësore dhe po marrin ndihmën e nevojshme mjekësore.
