Shqiptarët ia dalin për Klevis Gjelucin, mblidhen në kohë rekord 600 mijë euro

113 563 lexime

124,178FansaPëlqeje

Shqiptarët kanë treguar dhe njëherë se kur bëhen bashkë ia dalin. Për 9 ditë ata kanë arritur të mbledhin në kohë rekord 600 mijë eurot që duheshin për kurimin jashtë vendit të të riut Klevis Gjeluci.

Miqtë e tij ndërmorën iniciativën për të mbledhur fonde nga të gjithë shqiptarët që kishin mundësi, pasi familja nuk e përballonte dot koston e operacionit. 20-vjeçarit i nevojiteshin 600.000 euro për t’u kuruar në Itali, atje ku njoftohet se Klevisi është nisur me autoambulancë speciale dy ditë më parë.

Djali nga Shkodra do të shtrohet në spitalin “Gemelli” të Romës, një nga më të mirët jo vetëm në Itali por edhe në Europë e botë. Mëngjesin e kësaj të shtune, siç shihet dhe në foto, 13 mijë e 700 shqiptarë, individë dhe biznese, kanë mbledhur plot 601,492 euro.

Klevis Gjeluci ka rënë në koma prej datës 27 shtator, si pasojë e një aksidenti të rëndë rrugor ndodhur në qytetin e Shkodrës. Familja e çoi në dy prej spitaleve më të mira në Shqipëri, por operacioni i ndërlikuar nuk mund të bëhej dhe 20-vjeçari duhet të dërgohej jashtë vendit.

Falë kontributit të mijëra shqiptarëve anë e mbanë botës, të cilët kanë dërguar para edhe fizikisht përmes personave të caktuar në shtëpinë e tij, beteja e fundit i takon Klevisit, që urojmë të dalë me sukses nga operacioni për t’u rikthyer shëndoshë e mirë në atdhe, pranë familjes dhe miqve.

Falenderimi i familjarëve, ditë më parë për shqiptarët

Po jetojmë një periudhë të vështirë, por besimin në Zot e kemi të madh që do ta kalojmë këtë sfidë. Nuk gjej fjalë për të shprehur falenderimet për secilin prej jush për kontributin dhe mbështetjen që na keni dhënë e po na jepni në këto ditë të vështira. Sot nuk ndjehemi vetëm!

Lexo edhe :  Atentati në Lundër, gazetarja zbulon të tjera DETAJE: Janë gjetur 3 gjurmë ADN-je

Faleminderit për çdo ndihmë të dhënë monetare dhe emocionale në këtë betejë, ku jam i sigurt qe do dalim të fituar! Bekime në familjet tuaja! Pafundësisht mirënjohës për të gjithë!

Prindërit e Klevisit,
Mira & Franc Gjeluci

Të fundit

Bëni fotografi të shoferëve të tjerë dhe fitoni para në Suedi

Kompania suedeze, Scout Park ka lançuar një aplikacion të ri që u mundëson përdoruesve të fitojnë para duke raportuar...

Anija më e madhe luftarake e Koresë së Veriut gati për luftë bërthamore

Koreja e Veriut ka kryer testin e parë të sistemit të armatimit të anijes së saj më të re dhe më të avancuar luftarake,...

Bullgaria do të bëhet vendi i parë europian me reaktor bërthamor AP1000

Bullgaria do të jetë vendi i parë në Europë që do të ketë një reaktor funksional të tipit AP1000, tha Ministri i Energjisë Zhecho...

Holanda kërkon nga qytetarët të ulin konsumin e energjisë elektrike gjatë orëve të pikut

Qeveria holandeze ka nisur një fushatë kombëtare për t’i nxitur qytetarët e saj të ulin konsumin e energjisë elektrike gjatë orëve të pikut për...

Kardinali tërhiqet nga Konklava/ Italiani ishte dënuar për abuzim financiar

Kardinali italian Angelo Beçiu është tërhequr nga pjesëmarrja në konklavën që do të zgjedhë Papën e ri pas vdekjes së Françeskut. Italiani tha se e...

Lajme të tjera

Web TV