Sot do të luhen disa nga ndeshjet e raundit të katërt të fazës së grupeve, përsa i përket Champions League. Fitorja është detyrim për ekipet italiane, të cilat do të provojnë gjithçka.
Ndjekim disa nga titujt kryesorë për ditën e sotme:
La Gazzetta dello Sport ia kushton faqen e parë ndeshjes së Ligës së Kampionëve që i pret kuqezinjtë: “Milan, fitore dhe përparim”. Klubi milanez do të përballet në ndeshjen e vështirë ndaj Dinamo Zagrebit, me dy rezultate të disponueshme në një nga ambientet më të nxehta të skenës europiane.
Corriere dello Sport hapet me ngjarjet gjyqësore që i shohin bardhezinjtë si protagonistë: “Juve në stuhi”, me nëntitullin që shpjegon “Alegri në Lisbonë luhet Evropa, Agnelli rrezikon gjyqin”.
Tuttosport vendos në faqen e parë fjalët e Marcello Lippit : “Shko Max, na kalo!”. Gazeta Piemonteze i kushton hapësirë edhe çështjes së bilancit: “E rreme në bilanc”, akuza ndaj Juves.
AS ia kushton faqen e parë Real Madridit: “Më në fund Asensio”. Mesfushori spanjoll mund të luajë ndeshjen e tij të parë si titullar sonte.
Nga ana tjetër, faqja e parë e katalanases Sport hapet me tonet blaugrana: ” Dembélé shpërthen”. Francezi po shijon një sezon të shkëlqyer pas rinovimit me Barcelonën.
Në Britaninë e Madhe, Daily Express Sport thekson se si do të zgjidhet situata: “Momenti i armëpushimit”. Ronaldo dhe Ten Hag kanë biseduar për t’i dhënë fund grindjes “toksike”.
