62-vjeçari i cili humbi jetën sot në Ksamil teksa ishte duke mbledhur ullinj, mësohet se është Gëzim Redhi, pedagog i Gjuhë-Letërsisë në universitetin “Eqerem Çabej” në Gjirokastër, me titullin profesor doktor.
62-vjeçari mësohet se kishte shkuar tek një shtëpi verore që kishte dhe ishte ngjitur në pemë për të mbledhur ullinj bashkë me familjarë të tjerë.
Dyshohet se ai është rrëzuar aksidentalisht nga pema dhe ka ndërruar jetë.
Grupi hetimor po punon për zbardhjen e plotë të rrethanave të ngjarjes.
