Është mbyllur e shtuna futbollistike, me disa rezultate surprizuese dhe gola fantastikë. Edhe në ditën e sotme na shoqërojnë disa ndeshje të bukura, ku gjithashtu mund të ketë surpriza.
Ndjekim disa nga titujt kryesorë për ditën e sotme:
La Gazzetta dello Sport hapet në faqen e parë me fitoren e Interit ndaj Sampdorias: “Inter formula 3”. Zikalërit e mbyllën pa vështirësi sfidën dhe vazhdojnë ecurinë positive.
“Alien Napoli” ka shkruar Corriere dello Sport. Hat-trick i Osimhen, dhe perla e Kvarastkhelia “shtypin” Sassuolon.
Tuttosport hapet me titullin: “Po Fagioli! Një tjetër Juve është e mundur”, duke u fokusuar tek perla e Fagiolit që i dha fitoren Juves ndaj Lecce.
“Java më mizore për Atléticon” shkruan madrilenia AS. Atletico dështon edhe ndaj Cadiz, Joao Felix shpëton ‘Colchoneros’ nga humbja.
Katalanasja Sport hapet me titullin “Shpëtimtari Lewandowski”. Polaku shënoi një gol në minutën e 93’, duke i dhënë fitoren Barçës në transfertën e vështirë ndaj Valencias.
