Miqësia e Erdoganit dhe Putinit, nuk është më asgjë e re për Perëndimin.
Megjithatë, duket se ka diçka që mund ‘t’i fusë në sherr’ presidentin turk dhe atë rus.
Gazetari Abdylvehap Ejupi u shpreh gjatë një interviste televizive se nëse Rusia do të sulmojë anijet me grurë që nisen nga Ukraina, do të ketë një reagim nga Turqia, i cili do të jetë fatal për shtetin rus.
“Nëse Rusia sulmon anijet me grurë, do ketë reagim nga Turqia së bashkë me Kombet e Bashkuara, së bashkë me vende të tjera të marrin një vendim për sanksione edhe më të tepërta. Sanksionet e Turqisë do ishin fatale për Rusinë”, tha ai.
Gazetari sqaroi me tej se autoritetet turke janë në kontakt të vazhdueshëm me palën ukrainase dhe ruse.
“Turqia bëri thirrje në një komunikatë sot që përkrah marrëveshjen e realizuar për grurin edhe është në kontakt të vazhdueshëm me palën ukrainase dhe ruse”, u shpreh më tej gazetari.
Së fundmi situata është tensionuar dhe çmimet e larta të ushqimeve mund të rriten më tej pasi Vladimir Putin pezulloi dërgesat e grurit nga Ukraina. Putini prishi të gjithë marrëveshjen, pasi akuzoi britanikët se ndihmuan ukrainasit të kryenin sulme me dron në flotën e Detit të Zi të shtunën.
