Kryeministri Edi Rama gjatë një takimi me të rinjtë në Korçë, ka folur për largimin e të rinjve nga Shqipëria.
I pyetur se çfarë po bën qeveria për të frenuar emigrimin e të rinjve, Rama tha se ky është një trend historik që e kanë kaluar të gjitha vendet. Ai u shpreh se çdo i ri ka ambicie dhe nuk mund t’i thuhet “mos u largo”.
Ndër të tjera ai tha se edhe mjekët spanjollë ikin nga vendi i tyre, pavarësisht se Spanja është një vend i pasur.
“E para mendoj se çdo i ri ka të drejtën të ketë ambicie për të shkuar në hënë. Nuk mund t’i thuash rri këtu, çdo i ri ka të drejtë të çajë detet mallet, qiejtë. Sot kemi mundësinë për të lëvizur jashtë. E dyta ne nuk jemi një vend i cili është në grupin e vendeve më të zhvilluara dhe më të pasura.
Je i lirë të shkosh dhe ta provosh.Ky është një trend historik që e kanë kaluar të gjitha vendet.Avazi plakja, plakja është dhe djallëzor dhhe duket sikur këtë taksirat e ka vetëm Shqipëria. Shikoni Italinë, humbet çdo vit 500 mijë bebe. Shikoni Spanjën, 12 mijë mjekë kanë ikur nga Spanja.
Ata thonë po ikim se do na dalë pensioni i ulët dhe jo kemi pagën e ulët. Kush thotë në Shqipëri nuk ka të ardhme, i them e ke gabim. Kush mendon se jashtë është më kollaj, të shkojë ta provojë dhe ta shikojë sesa i mbeten në fund.”
