Një ngjarje e rëndë është regjistruar në fshatin Kamenicë rreth orës 21:00.
Mësohet se një person ka pësuar djegie trupore pasi ka tentuar të shuajë flakët e zjarrit që shpërthyen në magazinën ku mbante bazën ushqimore të bagëtive.
I lënduari ndodhet në spitalin e Korçës, nën kujdesin e mjekëve.
Korçë/Informacion paraprak
Më datë 01.11.2022, rreth orës 21:00, në fshatin Kamenicë, Korçë, ka rënë zjarr në ambientin ku mbahej baza ushqimore e bagëtive, në pronësi të shtetasit A. D., i cili duke u munduar të shuante zjarrin, ka pësuar djegie trupore dhe aktualisht ndodhet në spitalin e Korçës, nën kujdesin e mjekëve.
Grupi hetimor po punon për zbardhjen e rrethanave dhe përcaktimin e shkaqeve të rënies së zjarrit.
