Mbreti Charles është një nga sovranët më të çuditshëm që ka pasur ndonjëherë Britania. Pretendimi u bë nga autori mbretëror Christopher Andersen, i cili ka shkruar një libër të ri për monarkun të titulluar “The King“. Sipas tij, ka disa gjëra befasuese pa të cilat 73-vjeçari nuk mund të largohet nga pallati.
“Ai ende udhëton me një arush prej pelushi të fëmijërisë… e ka pasur që kur ishte fëmijë shumë i vogël,” tha Andersen për ET Online të mërkurën. “I vetmi person që është lejuar ta rregullojë arushin prej pelushi të mbretit Charles është dado e tij e fëmijërisë, me të cilën ai mbetet shumë i afërt.”
Biografi tha gjithashtu se Charles udhëton me një ulëse tualeti të bërë me porosi. Ai gjithashtu preferon ushqimet e gatuara nga kuzhinieri i tij, pavarësisht se ku ndodhet. Megjithatë, sipas tij, këtë pretendim mbreti i ri i Britanisë e ka mohuar.
“Njerëzit që punojnë në pallat, njerëzit që kanë punuar për të, thonë se … kur ai shkon në darka në shtëpitë e të tjerëve, ai shpesh merr kuzhinierin e tij, që të mund t’i përgatisin një vakt që ai do të hanë veçmas në tryezë”, tha biografi.
