Kreu i PD-së, Sali Berisha i ftuar në “Drejt” nga Luan Rama në RTV Ora tha se sot PD në vlerësimin tim është më e fortë se kurrë si forcë politike opozitare.
Ai u shpreh se në vitin 1991 vërtetë u rrëzuar sistemi komunist, por ai shtoi se regjimi i kaluar ishte në rënie, ndërsa sot Rama ka kapur çdo pushtet të mundshëm.
“Sot PD në vlerësimin tim është më e fortë se kurrë si forcë politike opozitare. Në vitin 1991, PD-ja përmbysi një diktaturë, por ajo ishte një rënie si domino në vendet ish-komuniste. Shumë vështirë që të rezistonte. Sot PD-ja përballet me një regjim shumë më të rrezikshëm se në vitin 1991. Në vitin 1991 kishte polici dhe sigurim që vinte nga diktatura, por ato ishin në agoni dhe në shpërbërje. Në vitin 1991 Ramiz Alia krijoi komitetet ekzekutive pluraliste, ndau pushtet edhe pse nuk kishte zgjedhje. Krerët e bashkive u emëruan nga PD-ja. Sot Edi Rama ka çdo pushtetar, përpos Bardh Spahisë, ky është monizmi i Edi Ramës”, tha Berisha.
