Gjyshja dhe nëna e një dëshmori të UÇK-së në luftën çlirimtare të Kosovës u dhunua ditën e djeshme nga një infermiere në azilin, ku fëmijët e saj e kishin strehuar prej pak muajsh.
Videoja e publikuar dhe e bërë virale në një kohë rekord bëri bujë ndërkombëtare, teksa tashmë djali dhe vajza e saj e kanë tërhequr nga azili të moshuarën, e cila për më tepër vuante edhe nga sëmundja e Alzheimer.
Burime nga familja e të moshuarës bëjnë me dije se pas disa orëve qëndrim në shtëpinë e vajzës e më pas të djalit, e moshuara është ndjerë keq dhe është shtruar në spital, ku po merr trajtim më të specializuar.
