Mbyllet edhe faza e grupeve në kompeticionet Europa League dhe Conference League. Surpriza e madhe ishte eliminimi i Lazios nga Europa duke u vendosur në vendin e tretë në grup pas humbjes ndaj Feyenoord.
Nga ana tjetër, befasues është largimi i Gerard Pique nga futbolli, i cili do të luajë ndeshjen e tij të fundit këtë të shtunë ndaj Almerias.
Ndjekim disa nga titujt kryesorë për ditën e sotme:
Gazzetta dello Sport hapet me shqetësimet e Interit për Lukakun , prania e të cilit në fushë ka qenë jashtëzakonisht e kufizuar deri tani nga dëmtimet: “Lukaku, sa më kushton mua”.
Vetëm hyrja në fushë e talentit Zaniolo ndryshon fatin e skuadrës së Mourinhos ndaj Ludogorets dhe vlerësohet nga Corriere dello Sport: “EuroZaniolo”. Italiani u fut në pjesën e dytë dhe bëri një paraqitje fantastike duke fituar një penallti dhe duke shënuar një gol.
“Juve e vërtetë në sytë e tyre” ka shkruar Tuttosport, duke u bazuar te të rinjtë, me fotot e Fagiolit dhe Mirettit në plan të parë.
Në Spanjë, titujt e gazetave të mëdha sportive monopolizohen nga lajmi i largimit të Pique nga Barcelona dhe futbolli. “Ai po ikën”, titullon Marca, për të komentuar me thjeshtësi lamtumirën e një prej figurave historike të futbollit spanjoll,
Katalanasj Sport shkon më tej me falënderimet për një rubrikë të vërtetë të katalanasve: “Faleminderit”.
“Sillni Barçën” është titulli I britanikes Mirror Sport. Djajtë e Kuq e mbyllën grupin në vendin e dytë dhe tani do të kenë përplasje me një nga ekipet që vijnë nga Champions League. Në Angli kërkojnë Barcelonën.
