Ambasadorja e SBA-së në Këshillin e Sigurimit, Linda Thomas-Greenfield ka mbërritur në Tiranë. Ambasadorja përmes një statusi në ‘Twitter’, shkruan se Shqipëria është një partner i palëkundur i SHBA, ndërsa vlerëson edhe qëndrimet e vendit tonë në Këshillin e Sigurimit në OKB kundrejt Rusisë.
“Shqipëria është një aleat i palëkundur dhe një partner kritik në Këshillin e Sigurimit të OKB-së, veçanërisht përballë luftës brutale të Rusisë në Ukrainë”, shkruan Linda Thomas-Greenfield.
Zyrtarja amerikane është pritur nga ambasadorja e SHBA-vë në Shqipëri, Yuri Kim.
Ambasadorja i ka prezantuar mikeshës sheshin “Skënderbej”, ndërsa kanë shëtitur nëpër Tiranë. Nga ana e saj Thomas-Greenfield shkruan në Twitter se Shqipëria është aleat i palëkundur dhe një partner kritik në Këshillin e Sigurimit të OKB-së.
Ambasadorja do të zhvillojë një vizitë dy ditore, ndërsa pritet të ketë takime me zyrtarë të qeverisë, mes tyre presidentit Bajram Begaj, si edhe me përfaqësues të shoqërisë civile.
