Një tërmet i fuqishëm me magnitudë 5.7 Rihter ka goditur Italinë qendrore këtë mëngjes.
Mediat e huaja bëjnë me dije se tërmeti me magnitudë 5.7 u regjistrua në Marche, në brigjet e Pesaros.
Tërmeti u pasua edhe nga dy të tjerë me magnitudë më të ulët, (3.1 dhe 3.4).
Tërmeti ishte aq i fortë sa u ndje edhe në Romë, në rajonet e tjera të Italisë Qendrore dhe në Trentino-Alto Adige .
Si pasojë e lëkundjeve të forta qytetarët kanë dalë nga banesat e tyre.
Deri më tani nuk ka raportime për të lënduar, ose dëme materiale.
