Ministri i Jashtëm i Rusisë, Sergei Lavrov është shfaqur sot i relaksuar buzë pishinës të një spitali në rajonin ekzotik të Balit, Indonezi.
Mediat kanë spekuluar se Lavrov kishte probleme me zemrën, por Ministria e Jashtme ruse ka qenë e shpejtë të përgënjeshtrojë se kryediplomati rus nuk ka shqetësime shëndetësore.
Megjithatë, prania e tij në spitalin “BIMC Nusa Dua”, të Balit është konfirmuar nga syri i mprehtë i përdoruesve të internetit që kanë arritur ta gjeolokalizojnë.
E sikur të mos mjaftonte kjo, tashmë rusët janë të inatosur me ministrin e tyre të Jashtëm për një tjetër arsye. Në videon ku shfaqet i relaksuar buzë pishinës, ata kanë vënë re se Lavrov mban në dorë një orë Apple Watch, si dhe iPhone, të dyja produkte të famshme amerikane.
Lavrov at his hotel in Bali. Says reports about his health are a “political game” https://t.co/OddllPDgq7 pic.twitter.com/GKu0Ffo1st
— Pjotr Sauer (@PjotrSauer) November 14, 2022
Rusët thonë se këto produkte, përfshi “iCloud” janë të monitoruara nga CIA-amerikane, ndaj me humor bëjnë thirrje për braktisjen e teknologjisë amerikane, dhe zëvendësimin me pajisje kineze, duke iu dorëzuar kështu spiunëve kinezë. “Thikë me dy presa”, shkruajnë ata në rrjetet sociale.
Një tjetër detaj që nuk i ka shpëtuar internetit është se lavrov mban veshur një bluzë të artistit të famshmë amerikan të viteve ’80, Jean-Michel Basquiat. Ky i fundit hapur homoseksual dhe anti-kolonialist.
