Pas trajnimeve si mësues motivimi, Ermal Mamaqi ka botuar një libër me titullin “Në garë me veten”. Ai ka thënë se ky libër nuk duhet lexuar, por duhet studiuar, duke marrë shumë kritika.
I ftuar në emisionin “Pardon My French” ai dha më shumë detaje rreth librit të tij më të ri i cili quhet “Në garë me veten”.
Aktori, tashmë dhe biznesmeni, tregoi se nuk do të konkurojë njeri në këtë fushë e se kushdo që është ndjerë i kërcënuar nga ai, mund të qetësohet pasi nuk do pengojë asnjeri të fitojë. Me ironi, ai shtoi se kushdo që do të fitojë çmimin ‘Nobel’ e ka rrugën e hapur.
Po ashtu, ai e cilëson veten njeri të shkëlqueshëm, aq sa vetëetiketohet me termin: ‘gjeni’.
Pyetja: A do të quhet shkrimtar tani Ermal Mamaqi?
Ermali: Jo, nuk e quaj veten shkrimtar. Të flenë rehat të gjithë këta që hanë bukë me këtë gjënë. Nuk do t’i pengoj asnjërit të fitojë çmimin Nobel”
Pyetja: Pse komentohet libri dhe pse po merren kaq shumë?
Ermali: Të them të vërtetën, mund të jap një shpjegim shumë të thjeshtë. Këta merren sepse unë jam një njeri i mrekullueshëm, jam një gjeni dhe një njeri i shkëlqyeshëm”
Pyetja: A ndihet keq Ermal Mamaqi kur merr komente të tilla?
Ermali: Përkundrazi, është argëtues fakti që njerëzit komentojnë në këtë formë. Madje unë shpesh herë i nxjerr edhe pasqyrën dhe jua tregoj përballë që të shikohen dhe të bllokohen. Gjithmonë ndodh kundërshtia në fillim dhe pastaj përfundon me duartrokitje dhe dashuri. Është i njëjti skenar, unë dhe ekipi im i marketingut jemi shumë të lumtur sepse populli shqiptar më lejon mua që të bëj marketing falas gjithmonë dhe unë nuk paguaj asnjë lek. Çdo person në planet e di që unë kam shkruajtur një libër sot.
