Një stuhi e fuqishme dëbore paralizoi një pjesë të Nju Jorkut perëndimor dhe verior ditën e premte. Trashësia e borës arriti në rreth 95 centimetra në disa zona të këtij rajoni, duke shkaktuar vdekjen e dy personave.
Sipas medieve të huaja, banorët në disa pjesë të qytetit të Bafalos u zgjuan nga zhurma e erës së fortë, e shoqëruar me dëborë, vetëtima dhe bubullima të herëpashershme.
Stuhia e dëborës goditi rëndë edhe qytetin e Hamburgut, ku ekipet e kërkim shpëtimit ndihmuan disa banorë të bllokuar nga dëbora e rënë.
Ndërkohë shkollat dhe stacionet e trenit u mbyllën një ditë më parë në Bafalo, Niagara Falls dhe Depju. Gjithashtu një numër i madh fluturimesh u anuluan në aeroportin ndërkombëtar të Bafalos.
