Pas disa zërave për ekzistencën e një konflikti mes të tyre, kryeministri Edi Rama duket se ka konfirmuar kryebashkiakun Erion Veliaj për një mandat të tretë në Tiranë.
Sakaq, në intervistën e dhënë në studion e Report tv, kryebashkiaku i Tiranës Erion Veliaj u pyet edhe për marrëdhënien me Edi Ramën.
“Mua më vjen mirë që me Edin ne realizuam disa projekte që kanë nisur me mandatin e tij. Nuk besoj se kemi pasur ditë më të mirë dhe ditët më të mira janë përpara. Filmat për konflikte i bëjnë këta që bëjnë filma. PS është sot partia më serioze në vend, më patriotike dhe më vizionare. PS sot është partia që punon më shumë dhe forca më e madhe patriotike. Ne vetëm për këto tema flasim, për punën”, tha Veliaj.
