Vrasja e Pjerin Xhuvanit pak ditë para zgjedhjeve qendrore të 25 prillit 2021 vazhdon ende të jetë një çështje e pa zbardhur.
Ndërkohë, po në lidhje me këtë çështje, është marrë në pyetje me urgjencë nga Prokuroria e Elbasanit, gazetarja investigative Klodiana Lala.
Lajmin e ka dhënë vetë ajo përmes një postimi në Facebook, ku shkruan se po meret në pyetje pasi sipas Prokurorisë, ka nxjerrë sekretet e hetimit.
“Bravo shteti, unë jam armiku” shkruan ndër të tjera gazetarja, me ironi.
Ngjarja e ndodhur ne Elbasan 4 dite para zgjedhjeve parlamentare te 25 prillit ku mbeti i vrare mjeku Pjerin Xhuvani nuk eshte zbardhur ende, e me gjase sdo zbardhet kurre e plote. Ama prokuroria e Elbasanit ka urgjence marrjen time ne pyetje se i paskam nxjerre sekretet.
Jemi mire! Bravo shteti. Une jam armiku!
