Fitorja e bujshme dhe spektakli i Brazilit ndaj Serbisë do të jetë në qendër të mediave botërore për ditën e sotme.
Ndjekim disa nga titujt kryesorë të mediave sportive për ditën e sotme:
Hapja e La Gazzetta dello Sport i kushtohet “magjisë së Brazilit”. E mira fillimisht për kombëtaren e Tites ishte marrja e tre pikëve ndaj Serbisë dhe nisja me sukses e Botërorit. Megjithatë, në kombëtare janë të shqetësuar për gjendjen e Neymar, i cili doli nga ndeshja me kyçin e këmbës të fryrë.
“Zotërinj, kjo është samba”, është titulli kryesor i Corriere dello Sport. Richarlison dhe shokët e tij rrëzuan Serbinë, me sulmuesin e Tottenhamit që realizoi dopietë, me golin i dytë që ishte kryevepër.
Faqja e parë e Tuttosport i dedikohet në vend të kësaj Moise Kean: “Kean e ka marrë mësimin e tij”. Intervistë me vëllain e qendërsulmuesit të Juventusit, një nga pilotët e mëdhenj të skuadrës së Juventusit deri më tani.
Prestigjiozja Marca hapet me titullin: “Cristiano Ronaldo bën histori”. Lojtari i parë në histori që shënon në pesë Kupa Bote. 
Francezja L’Equipe hapet me dëmtimin e yllit të Brazilit dhe PSG-së: “Samba e trishtuar”, pas problemit të kyçit të këmbës nga Neymar.
Gazeta portugeze A Bola ia kushton faqen e parë Portugalisë së Fernando Santos dhe të përjetshmit Cristiano Ronaldo: “Merr frymë thellë”. Portugezi, i liruar pas lamtumires me Manchester United, shkruan një tjetër histori duke u bërë lojtari i parë në histori që shënon në pesë Kupa Bote (2006-2022).
