Ndeshja e ditës Argjentinë-Meksikë është kryesisht në fokusin e mediave sportive. Kombëtarja Albiceste dhe Leo Messi duhet të fitojnë patjetër që të kenë një shans për të kaluar më tej, me një ndeshje tjetër për tu luajtur.
Ndjekim disa nga titujt kryesorë të mediave sportive për ditën e sotme:
Hapja e La Gazzetta dello Sport i kushtohet Neymarit dhe dëmtimit të tij në kyçin e këmbës: “Oh Neymar, Brazili po dridhet”. Latinët mund ta humbin atë për pjesën tjetër të Kupës së Botës.
“Leo mos na tradhto” është apeli ekskluziv i Caniggia për faqen e parë të Corriere dello Sport, fjalë që ish-sulmuesi i kombëtares argjentinase i drejton Messit.
Faqja e parë e Tuttosport i dedikohet merkatos së transferimeve të Juventusit: ”Strategjia Mehle”. Gjendja e Danilos, i dëmtuar në Botëror, është shqetësuese dhe bardhezinjtë do t’i kishin formuluar një propozim Atalantës për danezin Maehle.
Në Angli, Mirror Sport hapet me sfidën mes Anglisë dhe Shteteve të Bashkuara, duke kujtuar ‘yjet dhe vijat’ e flamurit amerikan, titulli është: “Yjet dhe ankesat”. Boshllëqe për kombëtaren angleze pas barazimit të shurdhër 0-0 me SHBA-të dhe kualifikimit ende për t’u konfirmuar.
Në Spanjë, Marca e vendos Joao Felix -in në qendër të pyetjes, me talentin portugez që e përshëndet gjithnjë e më shum: “Gati për t’u larguar”. Ylli portugez mund të largohet nga Atletico Madrid që në janar.
“Messi do ta luajë atë” është titulli i katalanases Sport. Argjentina është e detyruar të fitojë kundër Meksikës pas dështimit ndaj Arabisë Saudite, dhe një humbje do ti kushtonte eliminimin.
