Imagjinoni të fitoni lotarinë. Tani imagjinoni ta fitoni atë dy herë. Okay, tani imagjinoni të humbisni milionat që fituat vetëm brenda pak viteve. E tmerrshme, apo jo?
Epo, kjo është pikërisht ajo që ndodhi me një grua të quajtur Evelyn Adams.
Në vitin 1985, Adams fitoi 3.9 milionë dollarë në loto dhe vetëm katër muaj më vonë fitoi një xhekpot tjetër prej 1.4 milionë dollarësh.
Sipas The Sun, shanset për të fituar xhekpotin e parë ishin një në 3.2 milionë dhe shanset për të dytin ishin një në 5.2 milionë.
Por Adams, që punonte si shitëse në një dyqan elektroshtëpiakesh, përfundoi duke i humbur të gjitha paratë e saj. Falë një sërë vendimesh të këqija biznesi dhe një varësie të tmerrshme nga bixhozi, ajo përfundoi duke jetuar në një rulotë.
Paratë e çmimit të Adams iu dhanë asaj në pagesa vjetore prej 218,000 dollarësh dhe pasi fitoi çmimin e parë të parë, ajo pagoi disa fatura dhe krijoi një llogari për universitetin e të bijës.
Adams gjithashtu i bleu vetes një makinë dhe dhurata të tjera për njerëzit e saj më të afërt. Ajo filloi të shpenzonte më shumë për bileta lotarie, nga $25 në $100 në javë.
Pasi fitoi dy jackpot, Adams nuk mund të shkonte askund pa u njohur dhe kishte humbur privatësinë e saj.
Ajo mori vendimin për t’i lënë në plan të dytë studimet për muzikë dhe në vend të kësaj përdori disa nga paratë për të blerë dyqanin ku dikur punonte – megjithëse më vonë e nxori në shitje.
Ajo gjithashtu dha disa nga fitimet e saj si hua – shumica e të cilave nuk u kthyen kurrë.
Deri në vitin 2012, Adams kishte shpenzuar të gjitha paratë, kjo edhe falë frekuentimit të shpeshtë të kazinove.
Në një intervistë për The Sun, ajo u shpreh:
“Të fitosh lotarinë nuk është gjithmonë aq perfekte sa duket. E fitova ëndrrën amerikane, por edhe e humba atë. Ishte e vështirë. Të gjithë më zgjasnin duart dhe donin paratë e mia. Unë nuk arrita kurrë të mësoja fjalën më të thjeshtë në gjuhën time: ‘jo’. Do të doja kisha mundësinë ta bëja përsëri. Do tregohesha shumë më e zgjuar.”
