Udhëheqësi i Koresë së Veriut Kim Jong-un tha se vendi i tij, i pajisur me armë bërthamore, synon të ketë “forcën strategjike më të fuqishme në botë”.
Këtë deklaratë udhëheqësi korean e bëri në një ceremoni që festonte nisjen e një ICBM të re, gjatë së cilës vajza e tij e vogël u shfaq në publik për herë të dytë.
Kim ka dhënë një seri masive promovimesh për ushtrinë dhe shkencëtarët e përfshirë në zhvillimin e Hwasong-17 të ri, të quajtur nga analistët ushtarakë ‘raketa monstruoze’, e aftë për të arritur në Shtetet e Bashkuara kontinentale. Kjo raketë balistike ndërkontinentale (icbm) u testua më 18 nëntor, duke rënë në ujërat jashtë Japonisë.
Shkencëtarët, ushtarët dhe drejtuesit e këtij programi kanë kontribuar në “qëllimin e ndërtimit të armës më të fortë në botë”.
“Është kauza revolucionare më e madhe dhe më e rëndësishme dhe qëllimi i saj përfundimtar është të zotërojë forcën më të fortë strategjike në botë, forcën e pashoqe që nuk ka të krahasuar në shekull”, deklaroi Kim.
