Tomi Kallanxhiu, eksperti i IT në një intervistë ka pohuar se sulmi ndaj rrjetit social WhatsApp është thjesht një mashtrim.
Në ‘Euronews Albania’ ai shpjegoi se është e pamundur që hakerat të futen në telefonat e mbi 500 mijë shqiptarëve dhe të vjedhin bisedat.
“Është pothuajse e pamundur që të hakosh të dhënat e një numri aq të lartë njerëzish ashtu sikurse kishte dal lajmi, është njëlloj si të hakosh 540,000 telefona çfarë është thuajse e pamundur”, është shprehur Kallanxhiu.
Kallanxhiu sqaroi se është e pamundur që të ruhen të dhënat sepse ËhatsApp nuk është një softëere ku të gjitha të dhënat tona ndodhen në një server.
Eksperti i IT tha se bisedat janë të ruajtura vetëm në telefonat tona.
“Gjithmonë njerëzit duhet të kenë kujdes sidomos atë kodin me 6 shifra që na vjen për të verifikuar një numër të caktuar telefoni. Në darkëeb shumica e gjërave mund të jenë edhe mashtrime”, tha ai më tej.
Kujtojmë se ditën e djeshme eksperti i Kriminologjisë, Ervin Karamuço, nëpërmjet një postimi në “Facebook” ka bërë të ditur se 506 mijë shqiptarëve përdorues të “WhatsApp” po ju shiten në darkëeb të gjitha komunikimet që kanë kryer vitin e kaluar.
“506 mijë përdoruesve të aplikacionit të WP po ju shiten në darkëeb të gjitha komunikimet, që kanë kryer gjatë vitit të kaluar. Një tjetër dëm katastrofik i privatësisë”,ka shkruajtur Karamuço në postimin e tij.
