I ftuar në emisionin “Breaking” në Top Channel, analisti Frrok Çupi foli mbi skenarët e mundshëm të protestës së 6 dhjetorit, e cila do të mbahet në të njëjtën ditë me Samitin e liderëve botërore që do të vijnë në Tiranë.
“Patjetër që do të ketë tensione. Qeveria duhet të jetë e përgatitur për çdo skenar”, u shpreh Çupi në lidhje me protestën.
Përsa i përket protestuesve, ai u shpreh se ato nuk janë qytetarë, siç i cilësojnë demokratët (e Berishës), por janë militantë.
“Të bësh protestë në sheshin “Skënderbej” është nder i madh, sepse aty janë përcjellë ngjarje të mëdha.
Këta (PD-ja) duan ta shkatërrojnë Samitin, dhe janë me urdhër të Moskës.
Gjithçka mund të ndodhë, Berisha do të provokojë deri në fund prishjen e paqes dhe të provokojë Perëndimin”, u shpreh Çupi.
