Mario Ferri është liruar nga paraburgimi, ku ka qëndruar për një natë shkaku i futjes në fushë në ndeshjen mes Portugalisë dhe Uruguait në Kampionatin Botëror.
Italiani që është një futbollist në ligën e dytë të Indisë, njihet tashmë për hyrjet e tij nëpër fusha, pasi misioni i tij deri më tani ka qenë shfaqja e dukurive sociale.
Sipas ekspertit të transferimeve, Fabrizio Romano, Ferri ka bërë të ditur se ai është liruar nga paraburgimi ku ka qëndruar mbrëmë.
“Pushtuesi i fushës gjatë ndeshjes Portugali-Uruguai, italiani Mario Ferri, sapo ka bërë të ditur se është liruar pa pasoja”, thuhet në postimin e Romanos.
I veshur me një bluzë blu me logon e Supermenit në pjesën e përparme dhe fjalët “Shpëtoni Ukrainën ” dhe “Respektoni gratë iraniane” në anën e pasme, protestuesi mori vlerësime të mëdha në mediat sociale për veprimet e tij.
Kujtojmë se në Katar nuk lejohen gjëra të tilla, sidomos flamuri me ngjyrat e komunitetit LGBTI, por Ferri e realizoi një gjë të tillë.
