Momenti shumë delikat i Juventusit ende mban skenën në faqet e para të Italisë. Pas dorëheqjes së Agnellit dhe ndryshimit në krye, është koha për të kuptuar pasojat e mundshme.
Ndjekim disa nga titujt kryesorë për ditën e sotme:
“Juve, ka rrezik” është titulli i të përditshmes La Gazzetta dello Sport. Bardhezinjtë, përveç se jashtë fushe, tani mund të preken edhe në fushë nga një gjyq sportive i mundshëm.
Corriere dello Sport hapet me dy titujt kryesorë, me bardhezinjtë: “Juve është në rrezik”. Kupa e Botës në shenjën e Anglisë, e cila mposht Uellsin, fiton grupin dhe është kandidat ndër pretendentët për titullin: “Ulërima e Rashfordit”.
Tuttosport hapet me fjalët e drejtuesit bardhezi, John Elkann, i cili merr frenat e kursit të ri të Juventusit: “Kundërsulmi i Juventusit”, duke analizuar strategjitë në të gjitha frontet, sportive, ekonomike, korporative dhe ligjore.
Në Spanjë, “Dueli botëror” është titulli i gazetës Sport, referuar përballjes në grupin C mes Polonisë dhe Argjentinës, e vlefshme për vendin e parë.
Madrilenia AS hapet me deklratën e lojtarit spanjoll Rodrigo: “Askush nuk luan më mirë se Spanja”, i cili e konsideron kombëtaren e tij si një nga më të fortat.
Mirror Sport festoon fitoren e Anglisë, e cila mbylli grupin e saj me suksesin e gjerë ndaj Uellsit: “St. George 3 -Dragonjtë 0”.
