Pak ditë më parë, më 28 Nëntor, Shqipëria festoi 110 Vjetorin e Pavarësisë. Festa e Pavarësisë festohet kudo ku ka shqiptarë anë e mbanë botës.
Edhe shqiptarët e Britanisë së Madhe, të cilët duhet thënë se kanë qenë në vëmendje të mediave dhe politikanëve britanikë, festuan sipas mënyrës së tyre. Me makina super luksoze dhe flamuj kuq e zi shqiptarët bllokuan rrugët e Londrës, duke detyruar policinë që të mbyllë edhe urën e Westminster.
Së fundmi ka reaguar në lidhje me festën e shqiptarëve është gazetari dhe komediani Mark Steyn. Në një monolog në televizion ai tha se shqiptarët mbërrijnë në Britani vetëm me rrobat e trupit dhe më pas i sheh me makina super të shtrenjta.
Ai u shpreh i indinjuar edhe me policët britanikë pasi sipas tij ata kanë dështuar në një sërë çështjesh të tjera po dështojnë edhe përballë shqiptarëve të cilët e kanë kthyer Londrën si ‘Tiranën’ e tyre të vogël.
Dje teksa po udhëtoja në ”Tiranën e re” të Metorpolitanëve, policët mbyllën urën mbrapa meje dhe kur i pyetëm se pse na thanë: Sepse shqiptarët janë duke bërë driftet e tyre, në urë dhe kanë bllokuar gjithë trafikun. Pra zgjidhja e pavlerë ishte të mbyllnin gjithë urën që shqiptarët të kënaqeshin duke bërë driftet me makinat e tyre. Policët në Britani janë të paaftë të kontrollojnë rendin, të paaftë për të vënë rregull dhe tani e dimë që janë të paaftë edhe të kontrollojnë trafikun. Kush e kontrollon trafikun publik? Këta po ngisnin ‘Mercedes’, ja shikojeni. Meqë ra fjala, ky është flamuri shqiptar se do e shihni shumë shpesh. Ja dhe policia i ndihmon dhe i mbyll urat. Ja edhe po udhëtojnë me ‘Porche’. Po i përdorin për të bërë drifte. Është qejf të bësh gjëra të tilla me ‘Lamborgini’.
