Eliminimi i Spanjës nga Maroku dhe fitorja e thellë e Portugalisë ndaj Zvicrës, “rrëmbejnë” faqet e para të mediave kryesore sportive.
Ndjekim disa nga titujt kryesorë për ditën e sotme:
La Gazzetta dello Sport hapet për situatën e Juventusit , e cila ditë pas dite shton implikime që duken gjithnjë e më të komplikuara: “Kini frikë Juventusin, alarmi në llogari”, me profile të reja rreziku për buxhetin e vitit 2022 që do të rrezikonte jo vetëm pjesëmarrjen në kupat e europës, por edhe qëndrueshmërinë në divizionin e lartë. Ndërkohë në Botërorin e Katarit, Portugalia mposht Zvicrën me rezultatin 6-1, por me Cristiano Ronaldon në stol: “Ja kush e mbylli epokën e Ronaldos”, me Gonçalo Ramos, sulmuesin e Benfikës , që shënoi hat-trick ndaj helvetëve.
Në Corriere dello Sport, Botërori i djeshëm përshkruhet me titullin “Asgjësimi ”. Jo vetëm suksesi i madh i luzitanëve ndaj zviceranëve, por edhe eliminimi I bujshëm i Spanjës , e eliminuar me penallti nga Maroku.
“Fitimi kapital i Pogba” është titulli i torinezes Tuttosport, me rikthimin e francezit nga dëmtimi që mund të ndryshojë skenarët sezonalë.
Ndërsa protagonist i dukshëm në portugezen A Bola është Gonçalo Ramos, autori i një hat -trick në fitoren 6-1 të Portugalisë ndaj Zvicrës: “Rrënues”.
Katalanasja Mundo Deportivo hapet me titullin: “Nokaut Botëror”. Spanja u rrëzua sërish në raundin e 16-të, pa mundur të shpojë mbrojtjen e mirë afrikano-veriore.
“Shenjtori ka mbaruar” shkruan gazeta madrilène AS, duke u fokusuar tek krerët e Federatës Iberike që dyshojnë se Luis Enrique duhet të vazhdojë.
