Zyrtare, Luis Enrique Martínez nuk është më trajner i Spanjës. Në orët e fundit ishte parashikuar se vendimi për të ardhmen e ‘Lucho’ ishte i pashmangshëm, ndarja e rrugëve u zyrtarizua këtë të enjte në mesditë.
“Drejtimi sportiv i RFEF-it i ka transferuar presidentit një raport në të cilin përcaktohet se duhet të fillojë një projekt i ri për ekipin kombëtar të futbollit, me qëllim që të vazhdojë me rritjen e arritur në vitet e fundit falë punës së kryer nga Luis Enrique dhe bashkëpunëtorët e tij.
Si presidenti Luis Rubiales, ashtu edhe drejtori sportiv, José Francisco Molina, ia kanë transmetuar vendimin trajnerit”, – thuhet në njoftimin zyrtar. Carlo Ancelotti, që po ndjek nga afër gjithçka që ndodh në Botërorin e Katarit, në një intervistë për “Corriere dello Sport”, u ndal dhe tek eliminimi i Spanjës:
“Në Madrid ka zhgënjim të madh për shkak të eliminimit, pritshmëritë ishin të larta dhe ekipi ishte i ri. Luis Enrique mori sulme shumë të forta para ndeshjeve, imagjinoni tani që u eliminua përballë Marokut në 1/8 finale”.
🔴 OFICIAL | La @RFEF agradece a @LUISENRIQUE21 su trabajo al frente de la @SEFutbol
🔗 https://t.co/6Cib6cpJ1l#GraciasLuisEnrique pic.twitter.com/wkAIMu2utd
— RFEF (@rfef) December 8, 2022
