Një çift, banues në Aegaleo të Greqisë kanë rënë pre e një grabitjeje. Ngjarja ka ndodhur në orën 07:30 të mëngjesit, kur tre sulmuesit të mbuluar me fytyrë, hynë në shtëpi duke thyer derën. Grabitësit u ngjitën në katin e dytë ku ndodhej 61-vjeçari dhe bashkëshortja e tij 55-vjeçare.
Para se të mund të reagonin, ata u lidhën gojën dhe i prangosën, ndërkohë që nisën të kontrollonin ambientet e banesës, për para dhe sende me vlerë.
Tre autorët gjetën dhe morën një shumë të madhe parash, bizhuteri dhe ar. Ata u larguan duke e lënë çiftin të lidhur.
Çifti arriti të lirohej pas disa kohësh dhe të lajmëronte autoritetet. Hetuesit vazhduan me kërkimet për gjurmët e gishtërinjve, ndërsa në të njëjtën kohë morën deklarata nga dyshja në mënyrë që të identifikonin fytyrat e grabitësve.
