I grabiti me forcë çantën një 83-vjeçareje, duke i shkaktuar vdekjen të moshuarës në Greqi, ky është 36-vjeçari shqiptar i arrestuar i identifikuar si Alvin Musaj. Të dhënat, identitetit e fotot e 36-vjeçarit janë bërë publike në mediat greke.
Mësohet se 36-vjeçari shqiptar ka kryer dhe grabitje të tjera në periferi të Athinës, në Ilioupoli dhe Dafni.
Rezulton se 36-vjeçari, më 10 nëntor të këtij viti, teksa ishte duke drejtuar një motoçikletë në Ilioupoli i ka grabitur çantën 83-vjeçareje, e cila u rrëzuar në tokë e mbeti e plagosur. Dy ditë më pas ajo ndërroi jetë.
Motoçikleta u gjet më pas e braktisur në të njëjtin zonë nga punonjësit e policisë dhe u vërtet se i përkiste 36-vjeçarit.
Në kontrollin e kryer në shtëpinë e tij, si dhe në një ambient tjetër, iu gjetën dhe sekuestruan veshjet që kishte përdorur gjatë grabitjeve, 53 pilula lëndë narkotike, dy peshore elektronike precize dhe një celular.
36-vjeçari shqiptar i arrestuar ka dhe një dënim në pritje prej 15 muaj burgim për vjedhje.
