“Kemi një marrëveshje”! BE vendos për herë të parë kufirin e çmimit të gazit

113 563 lexime

124,178FansaPëlqeje

Ministrat e energjisë të BE-së arritën të hënën një marrëveshje për vendosjen e një kufiri të çmimit për gazin natyror në bllok, për 180 euro për megavat orë.

Masa e paprecedentë ka për qëllim frenimin e çmimeve të energjisë ndërsa blloku po largohet nga një krizë e përkeqësuar nga vendimi i Rusisë për të ndaluar furnizimin e BE-së me lëndë djegëse për t’u hakmarrë ndaj sanksioneve për luftën e saj në Ukrainë.

Ky çmim mendohet se do të aktivizohet duke filluar nga 15 shkurt 2023, tregoi dokumenti që detajon marrëveshjen përfundimtare, kur çmimi i gazit të arrijë në 180 euro për megavat-orë gjatë të paktën tre ditësh tregtimi radhazi.

Pasi të aktivizohet, çmimi do të qëndrojë aktiv për 20 ditë, por në rast se kufiri çon në një rënie të furnizimit me gaz, detyron racionimin, nxit paqëndrueshmërinë financiare ose inkurajon konsumin e energjisë, ai mund të pezullohet plotësisht me një vendim të Komisionit Evropian. .

Gjermania votoi për të mbështetur marrëveshjen, pavarësisht se kishte ngritur shqetësime në lidhje me ndikimin e politikës në aftësinë e Evropës për të tërhequr furnizime me gaz në tregjet globale me çmime konkurruese.

Ndërkohë që Holanda dhe Austria abstenuan. Të dy i kishin rezistuar kufirit gjatë negociatave, nga frika se mund të prishte tregjet energjetike të Evropës dhe të rrezikonte sigurinë energjetike të Evropës.

Afërsisht 15 vende, përfshirë Belgjikën, Greqinë dhe Poloninë, kishin kërkuar një kufi nën 200 euro/MWh – shumë më i ulët se kufiri prej 275 euro/MWh i propozuar fillimisht nga Komisioni Evropian muajin e kaluar.

Të fundit

GJKKO liron nga paraburgimi ish-shefin e qarkullimit të Tiranës

Ish-shefi i Rrugores, Roven Zeka, është liruar nga qelia me vendim të Gjykatës së Posaçme Anti-Korrupsion (GJKKO). Togat e zeza...

BE-ja – gati t’i vendosë tarifa SHBA-së, nëse s’ka marrëveshje

Bashkimi Evropian ka përgatitur një listë tarifash – në vlerë prej 21 miliardë eurosh – për mallrat amerikane, nëse dy palët nuk arrijnë marrëveshje...

Një javë aksion, sot dita e fundit e prishjes së ndërtimeve pa leje në Theth

Sot pritet të përmbyllet aksioni për prishjen e ndërtimeve pa leje në Theth. Kanë mbetur vetëm dy objekte të fundit, të cilave u është...

Parkimi “dysh”, ja kur shndërrohet në vepër penale që dënohet me burg drejtuesi

Deklarata e fundit e drejtorit të Përgjithshëm të Policisë së Shtetit, Ilir Proda, për ashpërsimin e masave ndaj parkimeve të gabuara, në veçanti atyre...

1867 – Alfred Nobeli demonstron për herë të parë dinamitin

Më 14 korrik 1867, shpikësi dhe industrialisti suedez Alfred Nobel demonstroi për herë të parë shpikjen e tij më të famshme – dinamitin. Ky...

Lajme të tjera

Web TV