“Më fal Angli”, këto janë fjalët që një shqiptar i akuzuar për qëndrim pa leje dhe kultivim të bimëve narkotike ka thënë para gjykatës në Mbretërinë e Bashkuar.
Xhesi Hajdari, 22 vjeç u arrestua më 7 nëntor nga policia britanike, pasi u kap duke u kujdesur për bimët e kanabisit.
Gjatë kontrolleve të kryera nga policia në një banesë në Acocks Green, Xhesi Hajdari në momentin që ka tentuar të largohet ka rënë nga çatia dhe është arrestuar nga policia.
Në banesë u gjetën 150 bimë kanabisi me vlerë 100, 000 £. Hajdari është dënuar me shtatë muaj burgim nga drejtësia britanike.
Ai ka thënë para gjykatës se në Angli ka shkuar për të punuar në ndërtim dhe se më pas është takuar me disa miq nga Shqipëria të cilët e kanë lidhur me bandat që merren me drogë.
“Jeta e tij në Shqipëri është e vështirë dhe se ka vetëm nënën dhe motrën. Për shkak të përfshirjes në gjakmarrje babai dhe vëllai i tij janë detyruar të largohen nga Shqipëria. Arsyeja përse kishte udhëtuar drejt Britanisë ishte të ndihmonte familjen”, ka thënë avokati i 22-vjeçarit.
