Presidenti i Ukrainës, Volodymyr Zelensky, ka mbërritur në SHBA. Lajmi u konfirmua nga një zyrtar i lartë ukrainas. Ndërkohë dy zyrtarë amerikanë bënë me dije se presidenti ukrainas udhëtoi me aeroplan ushtarak amerikan për në Uashington.
Për arsye sigurie një avion luftarak amerikan shoqëroi Zelensky-n gjatë rrugës për vizitën e parë jashtë shtetit që nga fillimi i luftës.
Zelenskyy do të zhvillojë një takim me presidentin amerikan Joe Biden dhe më pas do të shkojë në Capitol Hill, për të folur në një seancë të përbashkët të Senatit dhe Dhomës së Përfaqësuesve të SHBA. Më herët, Joe Biden tha se është shumë i emocionuar që do të takohet me Zelensky-n.
