Për herë të parë familjarët e Edmond Papës ka reaguar për mediat, pas vrasjes së bujshme te Komuna e Parisit.
Kunata i tij është shprehur se ka dëgjuar krismat, por kishte menduar se kishin qenë fishekzjarre. Përpara hetuesve, kunata ka thënë se pasi kishte telefonuar ambulancën, nuk e kishte pritur deri sa ajo të vinte, por kishte marrë makinën e vetë Edmond Papës dhe ishte nisur drejt spitalit.
“Në orën 10:00 në shtëpi kanë ardhur vjehrra së bashku me kunatin. Ata kanë ardhur në Tiranë me automjetin e kunatit tim, pasi do të kryenin disa vizita mjekësore të vjehrrës. Rreth orës 16:15, kunati më kërkoi që t’i jepja për të ngrënë vjehrrës, para se ta çonte për vizitë mjekësore. Kur isha duke i dhënë për të ngrënë vjehrrës dhe në ato momente dëgjova të shtëna. Kujtova se mos ishin fishekzjarrë, por më pas ra zilja e portës dhe ishte pronari i lokalit, ai më tha të lajmëroja ambulancën pasi ishte plagosur kunati im në lokalin e tij. Telefonova ambulancën dhe pastaj mora automjetin e kunatit tim për ta dërguar në spital, por më pas erdhi policia dhe ambulanca që e mori”, tha ajo për Report TV.
I vëllai është shprehur se Edmondi nuk ruhej pasi nuk kishte konflikte.
“Nuk kam parë asnjë shqetësim të vëllai dhe ai nuk ruhej, nuk ka pasur konflikte”, tha thënë vëllai i Edmond Papës.
