Benedikti, 95 vjeç, shërbeu si kreu i Kishës Katolike dhe sundimtar i shtetit të Vatikanit nga prilli 2005 deri në dorëheqjen e tij për shkak të pleqërisë në shkurt 2013
Papa Françesku bëri një thirrje të befasishme në fund të meshës së tij të përgjithshme në Vatikan këtë mëngjes, pa dhënë detaje kërkoi të luten për paraardhësin e tij Papa Benedikti XVI , i cili është shumë i sëmurë.
Benedikti, i cili jeton në një manastir në mjediset e Vatikanit, ishte papa i parë që dha dorëheqjen në 600 vjet dhe përmendi moshën e tij si një faktor kyç që kufizon aftësinë e tij për të kryer siç duhet detyrat e tij papale.
Françesku ka mirëpritur më parë vendimin e paraardhësit të tij për të dhënë dorëheqjen për shkak të pleqërisë . Ishte dorëheqja e tij që hapi rrugën për zgjedhjen e Françeskut si Papa i parë nga Amerika e Jugut. Në fillim të këtij muaji, Papa zbuloi se edhe ai kishte dorëzuar një letër dorëheqjeje menjëherë pas zgjedhjes së tij në 2013, e cila do të ishte efektive nëse sëmundja do ta pengonte atë të përmbushte detyrat e tij. Françesku, i cili mbushi 86 vjeç këtë vit, tha se letrën ia dha Sekretarit të Shtetit të Vatikanit, kardinalit Tarcisio Bertone.
Bertone qëndroi në atë pozicion për rreth gjashtë muaj pasi Françesku u zgjodh më 13 mars 2013 dhe Papa tha se supozoi se Bertone ia dorëzoi letrën pasuesit të tij, kardinalit Pietro Parolin.
Françesku është kryesisht në gjendje të mirë shëndetësore, edhe pse muajt e fundit ai ka luftuar me dhimbje të forta në gju që e kanë mbajtur në një karrige me rrota.
