Një ngjarje e rëndë u shënua sot në Prizren, ku mbeti i vrarë bhë person nga Kuksi.
Dibran Hoxhaj pas një sherri qëlloi me armë 31-vjeçarin Visart Cengu, i cili ndërroi jetë, si dhe plagosi 27-vjeçarin, Rufgen Shehu, banues në Kukës.
Lidhur me ngjarjes tragjike ka folur xhaxhai i viktimës, Besim Cengu, i cili tha se nipi i tij ishte qëlluar në makinë nga prapa.
“Ka ndodhur rreth orës 4 të mëngjesit. Makina ku ishte djali nuk ka pasur armë. Pasi janë zënë aty, ka pasur goditje nga pas pasi është nisur makina. Nipi im ka vdekur ndërsa tjetri është plagosur.
Nipi im është gjuajtur brenda veturës nga pas, sepse edhe predha ka qenë në shpinë dhe e ka kapur mushkërinë dhe një pjesë të zemrës dhe djali ka vdekur në vend”, tha Cengu në një prononcim për Klan Kosova.
Kujtojmë se Dibran Hoxhaj u arrestua ditën e sotme pasi vrau 31-vjeçarin Visart Cengu, si dhe plagosi 27-vjeçarin, Rufgen Shehu, banues në Kukës.
Viktima Visar Cengu, së bashku me të plagosurin, Rufgen Shehu dhe shokun e tyre Arben Basha janë konfliktuar fizikisht me Dibran Hoxhën.
Më pas sherri ka agravuar në përdorimin e armëve. Teksa tre kuksianët po largoheshin me makinë janë qëlluar me arme. Plumbat kanë prekur dy prej tyre dhe më pas ata janë nisur drejt spitalit të Kukësit, por Cengu fatkeqësisht ndërroi jetë rrugës.
27-vjeçari, pas ndihmës së parë mjekësore në urgjencën e spitalit të Kukësit është transportuar në Tiranë për ndihmë më të specializuar.
