Roma është rikthyer te fitorja në kampionat, këtë gjë e bën në shtëpi ndaj Bolognas 1-0, në ndeshjen e parë të vitit 2023 për ta.
Mjafton goli i Pellegrinit në minutën e gjashtë me penallti, për t’i dhënë 3 pikë të vlefshme ekipit të Mourinhos. Marash Kumbulla qëndroi në stol për 90 minuta, duke mos u preferuar kështu nga trajneri i ekipit kryeqytetas..
Lecce ka përmbysur Lazion me shifrat 2-1. Fillimisht realizoi Immobile në minutën e 14-të, por golat e Strefezzas dhe Colombos në pjesën e dytë i dhanë triumfin ekipit modest. Për lacialët, Elsi Hysaj nuk luajti asnjë minutë.
