Rinisin kontrollet për Ervis Martinajn! Dy qytetet ku zbarkuan forcat e policisë

113 563 lexime

124,178FansaPëlqeje

Zona mes Fushë Krujës dhe Laçit është kthyer në fokusin e Policisë së Shtetit këtë pasdite, e cila është vënë sërish në kërkim të ndonjë gjurme që mund të zbardhë fatin e të shumëkërkuarit të zhdukur pa gjurmë prej 9 gushtit, Ervis Martinaj. Pas kontrolleve në Fushë Kuqe dhe Surrel, ku Martinaj kishte ngritur vilat e tij, këtë herë, Forcat Operacionale kanë rrethuar zonën që lidh rruga e vjetër e Fushë Krujës me Laçin. Nga ana e Policisë së Shtetit nuk ka asnjë informacion zyrtar lidhur me këtë operacion, ndërkohë që raportohet se kontrollet janë ende në vijim.

Pasditen e djeshme, me urdhër të Prokurorisë së Posaçme kundër Korrupsionit dhe Krimit të Organizuar janë zhvilluar kontrolle në dy vilat e Martinajt, që ndodhen shumë pranë banesës së kryeministrit Edi Rama, në Surrel. Kontrolli zgjati dy orë dhe efektivët dolën që aty vetëm me një tufë me dokumente që nuk dihet nëse do t’i shërbejnë hetimit. Asgjë e paligjshme nuk u gjet, ndryshe nga aksioni i zhvilluar në Fushë Kuqe që zbuloi arsenalin me armë e uniforma policie në kosheret e bletëve.

Martinaj rezulton i zhdukur që prej 9 gushtit. Ai ishte shpallur në kërkim, në kuadër të operacionit “Plumbi i Artë”, pasi i penduari i drejtësisë Nuredin Dumani, tha se i kishte ofruar një ‘çek të bardhë’ në këmbim të ‘kokës’ së Indrit Dokles. Por, në 9 gusht, u zhduk pa gjurmë. Alarmin e ngritën familjarët e Martinajt dhe tashmë prokuroria po heton për rrëmbim personi dhe inskenim. Lidhur me këtë çështje, ka pasur edhe reagime nga kryeministri Edi Rama. Ai paralajmëroi edhe zhvillime, duke u shprehur se Policia e ka një përgjigje, por shumë shpejt do dalë me prova. Rama vendosi dhe 100 ditë afat për kryepolicin Muhamet Rrumbullaku, por pavarësisht se afati ka skaduar, nuk ka asnjë gjurmë.

Lexo edhe :  VIDEO: Kandidati i Berishës shoqërohet në polici, kundërshtoi efektivët

Deri më tani, sipas publikimeve të dokumenteve në media, Prokuroria ka dalë në përfundimin se i shumëkërkuari Ervis Martinaj është ‘shitur’ nga një vajzë dhe më pas është ekzekutuar. Zyrtarisht nuk ka ende asnjë version. Ish-efektivi Jeton Lami që u arrestua pas zhdukjes së tij është personi kyç që mund të hedhë dritë mbi ngjarjen. ‘Alarmi’ për zhdukjen e këtij të fundit bëri që të kqyreshin pamjet filmike dhe në një prej tyre, Lami shihej teksa futej në një hotel bashkë me Martinajn e një vajzë. Dëshmia e Lamit është konsideruar kyçe për zbardhjen e zhdukjes së të shumëkërkuarit, por efektivi deri më tani nuk ka hapur gojë.

Të fundit

10 mijë vetë në Lungomare, Rama tregon në Kuç të Labërisë sa mandate merr PS

Kryeministri Edi Rama do të zhvillojë të enjten pasdite në orën 16:30 takimin e madh përmbyllës të fushatës në...

4 ditë para zgjedhjeve: Këshilltari i Tomë Doshit braktis PSD dhe i bashkohet Benet Becit

Gara e fortë elektorale në qarkun e Shkodrës ka sjellë edhe lëvizje tek forcat politike vendore. Gjovalin Ndoj, anëtar i Këshillit Bashkiak i zgjedhur nën...

Nëna humbet fëmijën 15 vjeç në Elbasan, bën denoncimin pas tri javësh

Nëna e një 15-vjeçari nga Elbasani ka bërë denoncimin për humbjen e djalit të saj, i cili ka ikur nga shtëpia më 16 prill...

Kush e fiton Champions League? Papa Françesku jep “bekimin” e tij nga larg për një ekip

Arsenali sonte do të tentojë kualifikimin në finalen e Champions League. Përballë ka PSG, e cila fitoi 0-1 në ndeshjen e parë. Sfida e kthimit...

Berisha nga Korça: Rama erdhi si pazarxhi, donte të na blinte Ilir Vrenozin

Partia Demokratike zhvilloi takimin elektoral përmbyllës pasditen e sotme në qarkun e Korçës (7 maj), për zgjedhjet e 11 majit. Së bashku me aleatët...

Lajme të tjera

Web TV